پێکهاتەکانی کوردستان داوای مافی ڤیتۆ دەکەن

ئاڤا نیوز

 

وەزیری پێکهاتەکان ڕایگەیاند، سیستمی کۆتا لە عێراقدا سەرکەوتوو نەبووە، دەبێت لە هەرێمی کوردستان زیاتر کار بۆ فراوانکردن و باشترکردنی سیستمەکە بکرێت. داوای مافی ڤیتۆش لە پەرلەمان دەکات.

 

کۆنگرەی ڕۆژنامەوانی: ئایدن مەعروف، وەزیری پێکهاتەکان لە هەرێمی کوردستان ڕایگەیاند: حکومەت پشتیوانی داواکاری و مافی پێکهاتەکان و پێکەوەژیانی کردووە، بەڵام لە عێراقدا سیستمی کۆتا سەرکەوتوو نەبووە.

 

لەلایەکی دیکەوە: وەزیری پێکهاتەکان بۆ خولی داهاتووی پەرلەمانی کوردستان داواکاری هەیە و  بەپێویستی دەزانێت ژمارەی کورسی پێکهاتە ئایینی و نەتەوەییەکان لە پێنج کورسییەوە بکرێت بە  15 کورسی.

 

 گۆشەیەکی دیکە: ئایدن مەعروف بە گرنگی دەزانێت مافی ڤیتۆ لە خولی شەشەمی پەرلەمان بە پێکهاتەکان بدرێت، تا زیاتر ڕەچاوی ماف و داواکارییەکانیان بکرێت.

 

ئەوەی پێویستە بیزانیت: 22-2-2024 دادگەی باڵای فیدراڵی بڕیاری هەڵوەشاندنەوەی 11 کورسی کۆتاکانی دا.