کردنەوەی لایڤ لە تیکتۆک سنووردار دەکرێت

ئاڤا نیوز

 

ئاسایشی هەولێر لەمەدوا لایڤەکانی تیکتۆک سنووردار دەکات، چەندین کەسی دیاری ناو تۆڕە کۆمەڵایەتییەکانیش بانگ دەکات و بەڵێننامە و پەنجەمۆریان پێ پڕدەکاتەوە.

 

لێدوانی فەرمی: موقەدەم ئەردەلان، گوتەبێژی ئاسایشی هەولێر بە ئاڤا نیوزی گوت: چەندین کەسی دیاری ناو تۆڕە کۆمەڵایەتییەکان لە لایڤەکانیان قسەی نەشیاویان دەکرد و ئادابی کۆمەڵایەتییان دەشێواند، ئاگادارکراونەتەوە ئەگەر پابەند نەبن لە ڕێگەی داواکاری گشتییەوە سکاڵایان لەسەر تۆمار دەکرێت و سزا دەدرێن.

ئەوەی پێویستە بیزانیت: هەر کەسایەتییەکی سۆشیاڵ میدیا سووکایەتی بە هەر کەسێک بکات، ئەوا قوربانییەکە دەتوانێت سکاڵای لەدژ تۆمار بکات، ئەوکات ئاسایش بێ گوێدانە ناوبانگ لێپێچینەوەی لەگەڵ دەکات.

 

بۆچی گرنگە: لەمەودوا ئاسایش لایڤەکانی  تیکتۆک سنووردار دەکات، بەم هەنگاوەش ڕێگە لە تێکدانی ئادابی کۆمەڵایەتی و شیرازەی خێزان دەگیرێت.