سەرۆکوەزیران بارزانی پیرۆزبایی لە سێ یەکەمەکانی پۆلی 12ی خوێندنی کوردی لە کەرکووک دەکات

ئاڤا نیوز  

سەرۆکوەزیران بارزانی، لە ڕێگەی وەزیری پەروەردەی حکومەتی هەرێمی کوردستانەوە، پەیامی پیرۆزبایی دەگەیێنێتە قوتابییە سێ یەکەمەکانی کەرکووک بۆ پۆلی 12 لە خوێندنی کوردی.

وێنە گەورەکە: ئەمڕۆ ئەنجامی تاقیکردنەوە گشتییەکانی پۆلی شەشی ئامادەیی لە عێراق ڕاگەیێنرا و پلەی یەکەم و دووەمی سەر ئاستی عێراق دوو قوتابیی کوردی خەڵکی شاری کەرکووکن.

لێدوانی فەرمی: ئالان حەمە سەعید، وەزیری پەروەردەی حکومەتی هەرێمی کوردستان ڕایگەیاند: لە ڕێگەی پەیوەندیی تەلەفۆنییەوە، پەیامی پیرۆزبایی جەنابی سەرۆکوەزیران بارزانیمان گەیاندە قوتابیان، شانیا شەهاب وەلی، سایە ئیبراهیم خەلیل و لاڤە وریا سەردار و خانەوادەکانیان کە سێیەمی  پۆلی شەشی ئامادەیی زانستی ، لەسەر ئاستی خوێندنی کوردی لە کەرکووکن  بە تێکڕای99.43.

زانیاریی زیاتر: وەزیری پەروەردە ئاماژەی بە ئەوەش داوە بە هەمان شێوە پەیامی پیرۆزبایی سەرۆکوەزیران بارزانی، گەیاندووەتە ئالا ڕەشید کەریم، بە کۆنمرەی 91.63 یەکەمی پۆلی شەشەمی  بەشی وێژەیی کەرکووک، سروە رزگار حەمە، دووەمی پۆلی شەشەمی وێژەیی  لەسەر ئاستی خوێندنی کوردی بە کۆنمرەی 89.14 و شەهێن بەهائەدین فەتاح، سێیەمی پۆلی شەشەمی وێژەیی لەسەر ئاستی خوێندنی کوردی لە کەرکووک، بە کۆنمرەی 86.14.