دۆسیەی کەسیی هێزی پێشمەرگە ڕێکدەخرێتەوە

ئاڤا نیوز 

سەرچاوەیەکی باڵا لە وەزارەتی پێشمەرگە ڕایگەیاند، پرۆسەی وردبینی بەردەوامە و  دۆسیەی کەسیی سەرجەم  پێشمەرگەکانی کوردستان ڕێکدەخرێتەوە.

وێنە گەورەکە: لە چوارچێوەی بەرنامەی چاکسازی کابینەی نۆی حکومەتی هەرێمی کوردستان دا، هێزەکانی پێشمەرگە دەخرێنە ژێر چەتری وەزارەتی پێشمەرگەوە.

زانیاریی بەدەستهاتوو: سەرچاوەیەکی باڵا لە وەزارەتی پێشمەرگە بە ئاڤا نیوزی گوت: وردبینی لە وەزارەتی پێشمەرگە بەردەوامە، بۆ هەر کەسێک دۆسیەی تایبەت دروست دەکرێت، پێویستە کارتی نیشتمانی و بایۆمەترییان هەبێت، ئەوانەی بڕوانامەیان تەواو نییە ئەوا پلە و پایەیان ڕێکدەخرێتەوە.

گۆشەیەکی دیکە: چاوەڕوان دەکرێت مووچەی مانگی حوزەیران بە وردبینییەوە بۆ هێزەکانی پێشمەرگە بنێردرێت. ئەمەش بەگوتەی سەرچاوە باڵاکەی وەزارەتی پێشمەرگە.