زیرەكی دەستكرد وردتر لە پزیشكی ئاسایی شێرپەنجە دەستنیشان دەكات

ئاڤا نیوز

بە گوێرەی توێژینەوەیەكی نوێ، زیرەكی دەستكرد بە رێژەی زیاتر لە 17٪ بەراورد بە پزیشكان نەخۆشی شێرپەنجە دەستنیشان دەكات. 

چیرۆكی سەرەكی: توێژەران لە زانكۆی كالیفۆرنیا توێژینەوە لەسەر چالاكی پرۆگرامێكی زیرەكی دەستكرد بە ناوی (Unfold AI) دەكەن، كە تایبەتە بە دەستنیشانكردنی نەخۆشی شێرپەنجە.

ئەوەی ئێستا روودەدات: پرۆگرامی Unfold AI لەلایەن كۆمپانیای ئاڤێندا هێلس لە كالیفۆرنیا دیزاین كراوە. بەم دواییە لە لایەن دەستەی خۆراك و دەرمانی ئەمریكا رەزامەندی لەسەر دراوە. بە گوێرەی ئەلگۆریتمەكەی پێشبینی بە ئەگەرەكانی تووشبوون بە شێرپەنجەی مرۆڤ دەكات، ئەوەش بە پشت بەست بەو داتایانەی پێی دەدرێت.

ئەوەی پێویستە بیزانیت: بە گوێرەی توێژینەوەكە، زیرەكی دەستكرد 50 تووشبووی شێرپەنجەی پرۆستاتی دەستنیشانكردووە، كە پێویستیان بە نەشتەرگەری دەرهێنانی وەرەم هەبووە. لە كاتێكدا تیمی پزیشكان پێیان وابووە كە پێویست ناكات. ئەو ئەنجامەش دەرخەری ئەوەیە، زیرەكی دەستكرد سەركەوتووە لە دیاریكردنی نەخۆشی شێرپەنجە بە ڕێژەی 84٪، لە كاتێكدا پزیشكان 67٪ سەركەوتوون.