باجی نەخۆشخانە تایبەتەکان کەم دەکرێتەوە

ئاڤا نیوز

 

بە بڕیاری سەرۆکوەزیران بارزانی، چەند باجێک لەسەر هاونیشتمانیان هەڵدەگیرێن، یەكێک لەوانەیش، باجی سەر نەخۆشخانە تایبەتەکانە.

 

وێنە گەورەکە: لە کابینەی نۆیەم، حکومەتی هەرێمی کوردستان گرنگی زۆری بە سەرجەم کەرتەکان داوە، بەتایبەت کەرتی تەندروستی، ئێستا 90٪نرخی دەرمان کۆنترۆڵ کراوە.

 

ڕاگەیێنراوی فەرمی: کەمال وەرتی، بەڕێوەبەری گشتیی باج ڕایگەیاند: بە ڕێژەیی 5٪ باجی سەر نەخۆشخانە تایبەتەکان هەڵدەگیرێت و حکومەت لەپێناو خەڵک لە بەشێک لە مافەکانی خۆی خۆشدەبێت.

 

زانیاریی زیاتر: ئەو 5٪ی باجەی سەر نەخۆشخانە تایبەتەکان، پزیشکەکان پێوەی پابەند نەدەبوون و لە بەرژەوەندیی خۆیان بەکاریان هێناوە، دەبوو نەخۆش باجەكە بدات. کەمال وەرتی وا دەڵێت.

 

بۆچی گرنگە: کەمکردنەوەی باج لەسەر نەخۆشخانە تایبەتەکان، هۆکارێکە بۆ دابەزاندنی نرخی دەرمان و نەشتەرگەرییەکان.