فیلمێکی کوردی لە ڕووسیا پاڵێوراوە بۆ بردنەوەی خەڵات

ئاڤا نیوز

 

کورتە فیلمی 'زە ومەن ئۆف ناو هێر' لە مۆسکۆ پاڵێوراوە بۆ بردنەوەی خەڵاتی باشترین کورتە فیلمی دۆکیۆمێنتاری.

 

لێدوانی فەرمی: بڵند عەلی، دەرهێنەری فیلمەکە بە ئاڤا نیوزی ڕاگەیاند: ئەم کورتە فیلمەم لە ساڵی 2022 بەرهەمهێناوە، کاری سینەماتۆگرافی و دەرهێنانی لەلایەن خۆمەوە بۆ کراوە و لەگەڵ ستافێکی پڕۆفیشناڵ و ئەکادیمی فیلمەکە ئامادەکراوە. 

 

لەلایەکی دیکەوە: ئەم کورتە فیلمە دۆکیۆمێنتارییەی باس لە ڕووداوی کوشتنی ژن دەکات، چونکە وەک دەبیینین لە ساڵانی ڕابردوودا بە بیانووی شەرەفەوە چەندین ژن بوونەتە قوربانی، بڵند عەلی ئەوەشی گوت. 

 

ئەمەش بزانە: فێستیڤاڵی نێودەوڵەتیی مۆسکۆ یەکێکە لە گرنگترین فێستیڤاڵە هونەرییەکان، ساڵانە بە بەشداری چەندین هونەرمەند و فیلمسازان لە پایتەختی ڕووسیا بەڕێوە دەچێت.