لەسەر داوای سوودانی ئەندامانی عەرەبی پارێزگای کەرکووک دەچنە بەغدا

ئاڤا نیوز

لەسەر داوای سەرۆكوەزیرانی عێراق، ئەندامانی فراكسیۆنە عەرەبییەكانی ئەنجوومەنی پارێزگای كەركووك دەچنە بەغدا.

وێنە گەورەکە: پاش ئەوەی لە چەند ڕۆژی ڕابردوو ئەندامانی فراکسیۆنی عەرەبی لە ئەنجوومەنی پارێزگای کەرکووک پێداگرییان لەسەر پۆستی پارێزگار کرد، ئەمڕۆ سەرجەم ئەندامانی فراکسیۆنەکە ئاگەدار کراونەتەوە سبەی پێنجشەممە بۆ کۆبوونەوە لەگەڵ سەرۆکوەزیرانی عێراق بگەنە بەغدا.

لێدوانی فەرمی: ڕەعد ساڵح، ئەندامی فراکسیۆنی عەرەبی لە ئەنجوومەنی پارێزگای کەرکووک بە ئاڤا نیوزی ڕاگەیاند:" ئەمڕۆ بەفەرمی ئاگەدار کراینەوە سبەی بە مەبەستی کۆبونەوە لەگەڵ سەرۆکوەزیران بچینە بەغدا بێ ئەوەی هۆکاری سەردانەکە بزانین".

ئەوەی پێویستە بیزانیت: دوای هەشت مان گلە هەڵبژاردن، دوو هەفتەیە یەکەم کۆبونەوەی ئەنجومەنی پارێزگای کەرکووک ئەنجام دراوەو هێشتان لایەنە براوەکانی کەرکووک لەسەر دانانی کەسێک بۆ پۆستی پارێزگار نەگەیشتوونەتە ڕێککەوتن.

 

زانیاریی بەدەستهاتوو: بەپێی زانیارییەکامی ئاڤا نیوز، کۆبوونەوەکەی سبەی سوودانی لەگەڵ فراکسیۆنی عەرەبی بۆ یەكلاییكردنەوەی ئەو پرسەیە.