ئاسایشی هەولێر جادووگەرێک دەستگیر دەکات

ئاڤا نیوز

 

ئاسایشی هەولێر ڕایگەیاند، جادووگەری ناسراو بە "شێخ شاباز" یان دەستگیرکرد کە دەستدرێژی کردووەتە سەر چەند ئافرەتێک و گرتەی ڤیدیۆییانی تۆمار کردووە.

چیرۆکی سەرەکی: لەلایەن چەند هاووڵاتیەکەوە ئاسایشی هەولێر ئاگادار کراوەتەوە کە کەسێکی ناسراو بە "شێخ شاباز" لە تۆڕە کۆمەڵاتییەکان هەژمارێکی داناوە بەناوی (سحر و جاد و بەگرنتی) و دەستدرێژی کردووەتە سەر چەند ئافرەتێک و گرتەی ڤیدیۆییانی تۆمار کردووە. 

ڕاگەیێنراوی فەرمی: ئاسایشی هەولێر ڕایگەیاند: "دوای بەدواداچوون لە لایەن تیمەکانمانەوە بە داڕشتنی پلانێک توانیمان ناسنامەی "شێخ شاباز" ئاشکرا بکەین کە ناوی (فـ،شـ،ئـ)  دەستگیرمان کردووە، لە لێکۆڵینەوەدا دانی بە تاوانەکەیدا ناوە کە بەناوی کاری (سحر و جادو ) دەستدرێژی کردووەتە سەر چەند ئافرەتێک".

ئەوەی پێویستە بیزانیت: "ئەو جادووگەرە گرتەی ڤیدیۆی ئافرەتانی تۆمار کردوە و لەبەرامبەر بڵاونەکردنەوەیان داوای بڕێکی زۆر پارەی لەو ئافرەتانە کردووە، لە ژێر فاشار و هەڕەشە بڕێکی زۆر پارەی لە چەند ئافرەتێکی دیکە وەرگرتووە". ئاسایشی هەولێر وا دەڵێت.

قووڵتر:" تۆمەتبار پێشینەی تاوانی هەیە و پێشوتر بە تۆمەتی ڕێگریکردن دەستگیر کراوە".