هەسەدە ئۆپەراسیۆنێكی دژی چەكدارانی داعش لە دێرەزوور دەستپێكرد

ئاڤا نیوز

 

هێزەکانی سووریای دیموکرات ڕایگەیاند، توانیویانە ئەندامێکی مەترسیداری ڕێکخراوی داعش لە شارۆچکەی مەرکەدە لە دێرەزوور بکوژن.

 

ڕاگەیێنراوی فەرمی:هێزەكانی سووریای دیموكرات ڕایگەیاند: دوێنێ چوارشەممە، یەکینەکانی دژە تیرۆر (YAT)ی هێزەکانی ئۆپەراسیۆنێکی ئەمنییان لە شارۆچکەی مەرکەدە ئەنجامدا و ئەندامێکی مەترسیداری داعشیان کردە ئامانج".

 

زانیاریی زیاتر: ڕوونیشیکردەوە، ئۆپەراسیۆنەکە دوای کۆکردنەوەی زانیاری هەواڵگری گرنگ لەسەر جوڵە و چالاکی ئەو ئەندامە كراوە، بەو پێیەی توانیویەتی شوێنی حەشاردانی دیاری بکات.

 

زانیاريی بەدەستهاتوو: دوای زانینی شوێنی چەكدارەكەی داعش، هێزەکانی سووریای دیموکرات گەمارۆی ئەمنییان بەسەریدا سەپاند، بەڵام ئەو ڕەتیکردەوە خۆی ڕادەست بکات و بەرەنگاری هێزەکان بووەوە، بەهۆیەوە لە کاتی تێکهەڵچوونەکەدا گیان لەدەست دا، هەروەها ئەو چەک و کەرەستانەی لەبەردەستیدا بوون دەستیان بەسەردا گیرا.