میترۆی بەغدا ڕاده‌ستی چه‌ند کۆمپانیایه‌كی بیانی دەكرێت

ئاڤا نیوز

 

عێراق چه‌ند کۆمپانیایه‌كی فەرەنسی و ئیسپانی و تورکی هەڵبژارد بۆ جێبەجێکردنی پڕۆژەی میترۆی بەغدا .

 

وێنە گەورەکە: عێراق کۆمپانیاكانی "سیسترا و ئێس ئێن سی ڤی فەرەنسی و ئەلستۆم و تاڵگۆ و سینەری ئیسپانی و ژمارەیەک کۆمپانیای بیناسازی تورکی هەڵبژاردووە، بۆ دیزاین و جێبەجێکردن و بەڕێوەبردنی پڕۆژەی میترۆی بەغدا .

 

لێدوانی فەرمی: ناسر ئەسەدی، ڕاوێژکاری سەرۆکوەزیرانی عێراق ڕایگەیاند: " تێچووی پڕۆژەکە بە 18 ملیار دۆلار مەزەندە دەکرێت ، پێشبینی دەکرێت لە ماوەی چوار ساڵدا تەواو ببێت".

 

ئەوەی پێویستە بیزانیت: پرۆژەی میترۆی بەغدا له‌ حەوت هێڵی سەرەکی پێكدێت بە درێژی زیاتر لە 148 کیلۆمەتر و 64 وێستگەی میترۆ له‌خۆده‌گرێت .