مقاوەمەی ئیسلامی لە عێراق بە درۆن ئیسرائیل دەكاتە ئامانج

ئاڤا نیوز

 

"مقاوەمەی ئیسلامی لە عێراق" ئاشكرایكرد، بە درۆن هێرشیان کردووەتە سەر ئامانجێکی گرنگ لە شاری ئیلاتی باشووری ئیسرائیل، سوپای ئیسرائیلیش دەڵێت درۆنەكانیان تێكشكاندووە. 

وێنە گەورەكە: لە ڕابردوودا "مقاوەمەی ئیسلامی لە عێراق"  بەرپرسیارێتی خۆی لە دەیان هێرش لە عێراق و سووریا ڕاگەیاندووە بۆسەر هێزەكانی ئەمریكا و هاوپەیمانەكانی، ناوبەناویش بە درۆن و مووشەك ئیسرائیل ده‌كات به‌ئامانج.

 

ڕاگەیێنراوی فەرمی: "مقاوەمەی ئیسلامی لە عێراق" ڕایگەیاند: "وەك كاردانه‌وه‌یه‌ك به‌رامبه‌ر تاوانه‌كانی ئیسرائیل لە غەززە بە درۆن ئامانجێکی گرنگمان لە شاری ئیلاتی ئیسرائیل كردە ئامانج". 

 

له‌ لایه‌كی دیكه‌وه: سوپای ئیسرائیل بڵاویكرده‌وه‌: " شەوی ڕابردوو فڕۆکە جەنگییەکانی دوو فڕۆکەی بێفڕۆکەوانیان لە ڕۆژهەڵاتی ئیلات خستە خوارەوە پیش ئه‌وه‌ی ئاسمانی ئیسرائیل ببه‌زێنن". 

 

باكگراوند: "مقاوەمەی ئیسلامی لە عێراق" چه‌ند گرووپێكی سه‌ر به‌ئێران له‌خۆده‌گرێت دیارترینیان حیزبولڵا و بزووتنەوەی نوجەبان.