لە بودجەی گشتیی پێنج ملیار دینار بە حیزبەکانی عێراق دەدەرێت

ئاڤا نیوز

لە بودجەی عێراق، 18 ملیار دینار وەکو یارمەتیی دارایی بۆ حیزبە سیاسییەكان خەرج دەكرێت. 

لێدوانی فەرمی: ئەمیر مەعموری، ئەندامی سەربەخۆ لە پەرلەمانی عێراق: ڕایگەیاند: تەنیا لە بودجەی ساڵی 2024 بڕی پێنج ملیار دینار بۆ حیزبە سیاسییەكان خەرج دەكرێت.

زانیاریی زیاتر: دەبێت جیاوازی بكرێت لە نێوان ئەو حیزبانەی كە كاردەكەن، لەگەڵ ئەوان كارناكەن و سامانی گشتیی دەدزن و زیادەڕۆیی دەكەنە سەر موڵك و ماڵی دەوڵەت، كێ هەڵسەنگاندن بۆ ئەو حیزبانە دەكات، تاوەكو بڵێین ئەمە شایستەی پێدانی یارمەتی داراییە. ئەمیر مەعموری وای گوت. 

ئەوەی پێویستە بیزانیت: لە بوودجەی فیدراڵی پارەکە بەم شێوەیە بە حیزبە سیاسییەکان دەدرێت، بەڕێژەی 80% بۆ ئەو حیزبانەی كە نوێنەرایەتییان لە پەرلەمان هەیە، هاوکات بە ڕێژەی 20% بۆ ئەو حیزبانەی كە بەشدارییان لە هەڵبژاردن كردووە. 

ئەمەش بزانە: لە ماوەی چەند ساڵی ڕابردوو 18 ملیار دینار لە بوودجەی گشتیی عێراق بە حیزبە سیاسەکان دراوە، لە بوودجەی ئەمساڵیشدا پێنج ملیاریان پێدەدرێت.