بکوژی چایچییەکەی سلێمانی دەستگیر دەکرێت

ئاڤا نیوز

 

ئاسایشی سلێمانی ڕایدەگەیێنێت، بکوژی چایچییەکەی سلێمانی و هاوڕێیەکی دەستگیرکردووە، کە کارمەندی  کۆماندۆیە و هاوکاری بکوژی کردووە.

 

چیرۆکی سەرەکی: کاتژمێر 09:30 خولەکی شەوی ڕابردوو لە گەڕەکی ڕاپەڕینی سلێمانی، چایچییەک بە ناوی ئاری ڕزگار تەمەن 30 ساڵ بە دەستڕێژی گوللە کوژرا، کەسێکی دیکەش بریندار بوو.

ئەوەی پێویستە بیزانیت: دوای ڕووداوەکە بەرپرسێکی باڵای کۆماندۆ بە ئاڤا نیوزی گوت، کارمەندێکی خۆیان بەتۆمەتی کوشتنی  چایچییەکە دەستگیر کردووە و ڕادەستی ئاسایشیان کردووە، بەڵام ئاسایش دەڵێت بکوژ کارمەندی کۆماندۆ نییە.

 

ڕاگەیێنراوی فەرمی: ئاسایشی سلێمانی دەڵێت،  ئەو کەسەی تەقەی کردووە کارمەندی کۆماندۆ نییە، بەڵکو هاوڕێیەکی کارمەندی کۆماندۆیە و لە ڕووداوەکەدا هاوکاری کردووە، ئێستاش هەردووکیان دەستگیرکراون. 

 

ئەوەی پێویستە بیزانیت: لە ماوەی 10 ڕۆژی ڕابردوودا ئەوە دووەمین کەیسی کوشتنی هاووڵاتیانی مەدەنییە کارمەندانی کۆماندۆ تێوەبگلێن، کە ئەو هێزە سەر بە یەکەی 70ی وەزارەتی پێشمەرگەیە.