سیلین دیۆن دوای چوار ساڵ گەڕایەوە

ئاڤا نیوز

دوای چوار ساڵ لە تووشبوونی بە نەخۆشییەکی دەگمەن، گۆرانیبێژی کەنەدی سیلین دیۆن لە مەراسیمی کردنەوەی ئۆڵمپیادی پاریس دەرکەوتەوە.

چیرۆکی سەرەکی: چوار ساڵ پێش ئێستا سیلین دیۆن ئاشكرای کرد تووشی نەخۆشییەکی دەگمەنی دەمار بووە، کە دەبێتە هۆی گرژبوونی ماسوولکە و کاریگەریی لەسەر دەنگی هەیە، بۆیە ناتوانێت وەک پێشتر گۆرانی بڵێت.

 

ئەوەی پێویستە بیزانیت: ئۆڵۆمپیادی پاریس لە هەینی ڕابردووەوە 26-7-2024 دەستیپێکردووە و کاتێک سیلین دیۆن لە یەکێک لە مەراسیمەکاندا دەرکەوت، لەلایەن میدیا جیهانییەکانەوە وەک پەرجوو باس کرا، چونکە یەکەم دەرکەوتنی ڕاستەوخۆی بوو دوای چوار ساڵ، ئەم ماوەیەش چارەسەری وەرگرتووە بۆ دووبارە بەهێزکردنەوەی دەنگی.

 

باکگراوند: سیلین دیۆن یەکێکە لە هونەرمەندە بەناوبانگەکانی جیهان و براوەی چەندین خەڵاتی نێودەوڵەتییە، لە ساڵی 1968 لە کەنەدا لەدایکبووە و لە تەمەنی 12 ساڵی دەستی بە گۆرانیگوتن کردووە.