چەند کەسێک شوێنەوارێک لە گوندی جۆلەمێرگی خەلیفان دەشێوێنن

ئاڤا نیوز

شوێنەوارێک لە گوندی جۆلەمێرگ لە قەزای خەلیفان دەشێوێنرێت، بەمەبەستی دۆزینەوەی ئاسەوار ژێر دارێکی تەمەن سەرووی 200 ساڵی هەڵدەکۆڵرێت.

چیرۆکی سەرەکی: چەند کەسێکی نەناسراو بەمەبەستی دۆزینەوەی ئاسەوار و زێر زیو، شوێنەواڕیک لە گوندی جۆلەمێرگی قەزای خەلیفان دەشێوێنن، بە ئامێری داربڕین ژێر دارێکی تەمەن سەرووی 200 ساڵ هەڵدەکۆڵن و تێکی دەدەن.

ئەوەی پێویستە بیزانیت: شوێنەوارەکە مێژووەکەی دەگەرێتەوە بۆ سەردەمی میرنشینی سۆران دەگەڕێتەوە، ئەوکات پاشای کۆرە لە گوندەکە نیشتەجێبووە.

لێدوانی فەرمی: مەغدید عەریف ئەحمەد، قائیمقامی قەزای خەلیفان بە ئاڤای گوت، سنووری خەلیفان زۆر فراوانە و شوێنی مێژوویی و شوێنەواری زۆری لێیە، لە ساڵانی ڕابردوو خەڵکێکی زۆر ڕووبەڕووی یاسا کراونەتەوە و سزاش دراون، لەگەڵ لایەنی پەیوەندیدار و ئەمنی لەسەر هێلین و لێکۆڵینەوە دەکەین و هەرکەسێک بێت رووبەرووی یاسای دەکەینەوە و تووندترین سزای یاسایی دەدرێت.

ئەمەش بزانە: لەماوەی دووساڵی ڕابردوو ئەمە دووەم حاڵەتە کە کەسانی نەناسراو شوێنەوارەکانی ئەم گوندە دەشێوێنن.