هۆکارە سەرەکییەکانی هەڵوەرینی قژ چین؟

ئاڤا نیوز  

پزیشكانی پسپۆر هۆکارە سەرکییەکانی هەڵوەرینی زیاد لە پێویستی قژ دەخەنەڕوو، هۆکارەکەی دەگەرێننەوە بۆ سیفەتی بۆماوەیی و دڵەڕاوكێ و فشاری دەروونی.

بڵاوکراوەی فەرمی: ڕۆژنامەی تایمز ئۆف هیندستان چەند هۆکارێکی باوی بۆ هەڵوەرینی قژ ئاشکرا کردووە کە ئەمانەن:
1-    تێکچوونی بۆماوەیی، بە یەکێک لە هۆکارە باوەکانی هەڵوەرینی قژ  لە نێر و مێدا دادەنرێت، بەزۆری دوای تەمەنی پێگەیشتن دەست پێدەکات.
2-    فشاری دەروونی و جەستەیی، ڕووداوەکانی وەک نەخۆشی تووند، نەشتەرگەری گەورە، یان زەبر و زەنگی سۆزداری دەتوانن ئەم جۆرە هەڵوەرینەی قژە خێراتر بکەن.
3-    کەمی خۆراک، وەک کەمی ڤیتامین و کانزا پێویستەکان دەبێتە هۆی هەڵوەرینی قژ. 
4-    دەرمان، ئەو دەرمانانەی کە بۆ چارەسەری شێرپەنجە و هەوکردنی جومگەکان و خەمۆکی و کێشەکانی دڵ و بەرزی پەستانی خوێن بەکاردەهێنرێن دەبنە هۆی هەڵوەرینی قژ.
5-    چارەسەری شێرپەنجە، وەک چارەسەری کیمیایی و تیشکی، دەبنە هۆی هەڵوەرینی قژ. 
6-    دابەزاندنی کێشی لەش بە شێوەیەکی بەرچاو دەبێتە هۆی شۆککردنی جەستە و دەبێتە هۆی هەڵوەرینی قژ.
7-    دووگیانی، بە هۆی گۆرانی هۆرمۆنەکان لە کاتی دووگیانیدا قژ هەڵدەوەرێت.