گەڕانەوەی ئاوارەکان تاوەکو سەری ساڵ درێژکرایەوە

ئاڤا نیوز  

بەڕێوەبەری کۆچ و کۆچبەرانی دهۆک ڕایگەیاند، ماوەی گەڕانەوەی ئاوارەکان بۆ سەری ساڵ درێژکراوەتەوە.

وێنە گەورەکە:بەگوێرەی بڕیاری وەزارەتی کۆچ و کۆچبەرانی عێراق، پێویستە سبەی سێشەممە سەرجەم کەمپی ئاوارەکان لە هەرێمی کوردستان دابخرێن، بەڵام ماوەکەی درێژکرایەوە.

لێدوانی فەرمی: پیردەیان جەعفەر، بەڕێوەبەری کۆچ و کۆچبەرانی دهۆک بە ئاڤا نیوزی ڕاگەیاند:  لەگەڵ حکومەتی عێراق لە هەماهەنگیداین بۆ یەکلایی کردنەوەی کێشەی گەڕاندنەوەی ئاوارەکان، بەڵام ماوەکەی درێژکرایەوە و تاوەکو سەری ساڵ کەمپەکان لەسەر ئاوارەکان داناخرێن.

ئەوەی پێویستە بیزانیت: تا ئێستا نزیکەی 26 هەزار و 500 خێزانی ئاوارە لە کەمپەکانی هەرێمی کوردستان ده‌ژین ، 22 هەزاریان لە دهۆکن و 4500 دیكه‌شیان لە هەولێرن.