دوو بەرپرسی حکومی لە هەولێر دەگۆڕدرێن

ئاڤا نیوز

عەبدولواحید ئەحمەد، سەرۆكی شارەوانیی هەولێر و سەرتیپ خالید، بەڕێوەبەری گشتیی شارەوانییەكانی هەولێر كۆتایی بە كارەكانیان هات و دوو کەسی دیکە لە جێگەیان بەوەکالەت دەستبەکار بوون.

ڕاگەیێنراوی فەرمی: ئەمڕۆ یەکشەممە لە دیوانی وەزارەتی شارەوانی و گەشتوگوزار، ساسان عەونی، وەزیری شارەوانی و گەشتوگوزار و ئومێد خۆشناو، پارێزگاری هەولێر، لە کۆبوونەوەیەکدا دەستخۆشییان لە عەبدولواحید ئەحمەد و سەرتیپ خالید کرد بەبۆنەی كۆتاییهاتنی ئەرکەکانیان وەک سەرۆكی شارەوانیی هەولێر و بەڕێوەبەری گشتیی شارەوانییەكانی هەولێر.

زانیاری زیاتر: هاوکات پێشوازییان لە هەردوو ئەندازیار كارزان عەبدولهادی و مەریوان هادی كرد و وەک سەرۆكی شارەوانیی هەولێر و بەڕێوەبەری گشتیی شارەوانییەكانی هەولێر بەوەكالەت دەستنیشان كران.