پەرلەمانی عێراق كار بۆ قەرەبووكردنەوەی كەسوكاری ئەنفالكراوان دەكات

ئاڤا نیوز

 

پەرلەمانی عێراق، هەنگاو بۆ قەرەبووكردنەوەی سەرجەم زیانلێكەوتووانی دەستی ڕژێمی بەعس دەنێت.

 

لێدوانی فەرمی: شوان كەلاری، ئەندامی لیژنەی شەهیدان لە پەرلەمانی عێراق بە ئاڤا نیوزی گوت:" لە دانیشتنی ڕۆژانی داهاتووی پەرلەمان، خوێندنەوەی دووەم بۆ پڕۆژە یاسایەك دەكەین كە تایبەتە بە قەرەبووكردنەوەی ئەو كەسانەی كە لەسەر دەستی ڕژێمی بەعس زیانیان پێگەیشتووە، قەرەبووکردنەوەکە جینۆساید و ئەنفالی خەڵكی كوردستانیش دەگرێتەوە."

 

ئەوەش بزانە: بەپێی یاساكە دەبێت حكومەتی ئێستای عێراق بە قەرەبووكردنەوەكە هەڵسێت.

 

زانیاریی بەدەستهاتوو: دوای پەسەندكردنی یاساكە، نووسینگە لە سەرجەم پارێزگاكان دەكرێتەوە و زیانلێكەوتووان لەوێ سكاڵا تۆمار دەكەن و ئاستی زیانەكانیان دەخەنە ڕوو، پاشان شێوازی قەرەبووكردنەوەكە جێبەجێ دەكرێت.