عێراق: کوشتنی ئیسماعیل هەنیە پێشێلکردنی یاسا نێودەوڵەتییەکانە

ئاڤا نیوز 

 

وەزارەتی دەرەوەی عێراق لەبارەی کوژرانی ئیسماعیل هەنیە دەڵێت، کردەوەیەکی دوژمنکارانەیە و پێشێلکردنی یاسا نێودەوڵەتییەکانە، داواش دەکات ڕێکاری پێویست بگیرێتە بەر بۆ ڕێگریکردن لەم کردەوانە. 

 

وێنە گەورەکە: حکومەتی عێراق سەرکۆنەی کوشتنی ئیسماعیل هەنیە، سەرۆکی مەکتەبی سیاسیی بزووتنەوەی حەماس دەکات و بە پێشهاتێکی مەترسیدار بۆ سەر ناوچەکە لە قەڵەم دەدات.

 

ڕاگەیێنراوی فەرمی: وەزارەتی دەرەوەی عێراق ڕایگەیاند، "حکومەتی عێراق بەتووندی سەرکۆنەی تیرۆرکردنی ئیسماعیل هەنیە، سەرۆکی مەکەتەبی سیاسیی بزووتنەوەی حەماس دەکات، کردەوەیەکی دوژمنکارانە بوو و پێشێلکردنی یاسا نێودەوڵەتییەکانە و هەڕەشەیە بۆ سەر سەقامگیریی ناوچەکە".

 

زانیاریی زیاتر: حکومەتی عێراق داوا لە کۆمەڵگەی نێودەوڵەتی دەکات ڕێوشوێنی پێویست بگرێتەبەر بۆ وەستاندنی دەستدرێژییەکانی سەر سەرەوەریی وڵاتان.