هادی عامری: ئەمریکا لە بێباکییەکانی ئیسرائیل بەرپرسیارە

ئاڤا نیوز

 

سەرۆکی ڕێکخراوی بەدر هێرش دەکاتە سەر ئیسرائیل و کوشتنی هەنیە بە کارێکی ترسنۆکانە ناودەبات، ئەمریکاش بە بەرپرسیار دەزانێت لەو کارانەی ئیسرائیل ئەنجامی دەدات.

 

وێنە گەورەکە: کاردانەوەکان بەرامبەر بە کوژرانی ئیسماعیل هەنیە، بەرپرسی مەکتەبی سیاسی بزووتنەوەی حەماسی فەڵەستنی بەردەوامە و سەرۆکی ڕێکخراوی بەدر سەرکۆنەی ئەو هێرشە دەکات.

 

ڕاگەیێنراوی فەرمی: "دوژمنکارییەکانی زایۆنی-ئەمریکی لە زنجیرە تاوانکارییە قێزەونەکانیان بەردەوامن، ئەوپەڕی سنوورەکانیان تێپەڕاندووە، سەرجەم پێوەرە نێودەوڵەتییەکانیان پێشێلکردووە، تا گەیشتە ئەو بێڕێزی و بێباکییەی موجاهیدێکی گەورەی فەلەستینی، سەرکردەی شەهید ئیسماعیل هەنیە، بەرپرسی مەکتەبی سیاسی حەماس بە شێوەیەکی ترسنۆکانە بکاتە ئامانج".

 

زانیاریی زیاتر: عامری "لایەنی ئەمریکی وەک هاوبەشێکی ڕاستەقینە و ڕاستەوخۆ لە هەموو تاوانەکانی ئەم قەوارە قێزەونە بەرپرسیارە لەو بێباکی و زیادەڕەوییانەی قەوارەی زایۆنی لە تاوانکاریدا".