کۆنگرێس فرۆشتنی فڕۆکەی F-16 بە تورکیا پەسەند کرد

ئاڤا نیوز

 

کۆنگرێسی ئەمریکا بەفەرمی ڕەزامەندیی فرۆشتنی فڕۆکەی سەربازی بە تورکیا دا، ئەمەش کۆتایی بە دانوستانەکانی چەند مانگی نێوان واشنتن و ئەنقەرە لەمبارەیەوە دەهێنێت.

 

لێدوانی فەرمی: جێف فلەیک، باڵیۆزی ئەمریکا لە تورکیا لە هەژماری خۆی لە تۆڕی کۆمەڵایەتیی ئێکس ڕایگەیاند: بڕیاری کۆنگرێس بۆ فرۆشتنی فڕۆکەی سەربازی F-16 بلۆک 70بە تورکیا پێشکەوتنێکی گەورەی سەربازی دروست دەکات.

 

باکگراوند: دوای ئەوەی پەرلەمانی تورکیا بە ئەندامبوونی سویدی لە ناتۆ پەسەند کرد، لە 26 مانگی ڕابردوودا، ئەمریکا و تورکیا بە بڕی 23 ملیار دۆلار مامەڵەی فرۆشتنی 40 فڕۆکەی سەربازیی جۆری F-16ـیان کرد.