لە  دھۆک بڕیاری لێخۆشبوونی زیادەی باجی خانووبەرە درێژ کرایەوە

ئاڤا نیوز 

بڕیاری لێخۆشبوونی زیادەی سەر باجی خانووبەرە لە دھۆک، تا کۆتایی ئەم مانگە  درێژ کرایەوە.

وێنە گەورەکە: لە مانگی چواری ئەمساڵ، لەسەر فەرمانی سەرۆكکوەزیران بارزانی، لە پێنا و خزمەتی گشتی بڕیار درا ھەر کەسێک لە باجی خانووبەرە قەرزاری حکومەت بێت و قەرزەکەی بگەڕێنێتەوە، ھیچ زیادەیەکی لێ وەرناگیرێت.

لێدوانی فەرمی: ژاڵە زیرەک، بەڕێوەبەری باجی خانووبەرەی دھۆک، بە ئاڤا نیوزی گوت:" بڕیارەکە کاریگەری زۆری لەسەر گەڕانەوەی باج ھەبووە و خەڵکێکی زۆر لێی سوودمەند بوون و ھەر کەسێک لەو ماوەیەدا باجەکەی بات، ھیچ زیادەیەکی لێ وەرناگیرێت".

بۆچی گرنگە: پێشتر بەپێی یاسا هەر خاوەن مۆڵکێک ئەگەر باجی ساڵانەی لەکاتی خۆیدا ڕادەست نەکردایە، زیادەی دەچووە سەر، بەڵام ئێستا بەھۆی بڕیارەکەوە ھیچ زیادەیەکی ناچێتە سەر.