تا ئێستا 36 تەرمی کۆچبەرانی بەلەمە نوقومبوەکەی ئیتاڵیا دۆزراونەتەوە

ئاڤا نیوز

 

نوێنەری حکومەتی هەرێمی کوردستان لە ئیتاڵیا ڕایگەیاند، تا ئێستا 36 تەرمی کۆچبەرانی  بەلەمە نقومبووەكەی ئیتاڵیا دۆزراونەتەوە و 13 لەو تەرمانە دەگەڕێنرێنەوە فڕۆکەخانەی نێودەوڵەتی هەولێر.

 

وێنە گەورەکە: دوای ڕوودانی نقوومبوونی کەشتییەک لە کەناراوەکانی ئیتاڵیا، حکومەتی هەرێمی کوردستان لەگەڵ حکومەتی ئیتاڵیا لەسەر هێڵ بوو بۆ کارئاسانی گەڕانەوەی تەرمی کۆچبەران.

 

لێدوانی فەرمی: ڕێزان حەمە ساڵح، نوێنەری حکومەتیی هەرێمی کوردستان لە ئیتاڵیا بە ئاڤا نیوزی گوت: تا ئێستا 36 تەرم دۆزراونەتەوەو پێنج تەرمی خەڵكی ڕۆژهەڵاتی کوردستانن و هەشت تەرمی دیكەیان خەڵكی باشووری کوردستانن.

 

باکگراوند: ڕۆژی 17ی حوزەیرانی ئەمساڵ بەلەمێکی کۆچبەران لە کەناراوەکانی کالابریای ئیتاڵیا ژێر ئاو کەوت، دەیان کەس گیانیان لەدەستدا، هەشت هاونیشتمانی هەرێمی کوردستان و پێنجیان هاونیشتمانی ڕۆژهەڵاتی کوردستان بوون.