مۆساد ویستوویەتی لە پرسەی ڕەئیسیدا هەنیە بکوژێت

ئاڤا نیوز

 

دەزگای هەواڵگریی ئیسرائیل - مۆساد، لە ڕێگەی بە کرێگرتنی چەند کەسێک لە ناو سوپای پاسدارانی ئێران، پلانی کوشتنی هەنیەی جێبەجێ کردووە. 

 

وێنە گەورەکە: بە گوێرەی زانیارییەکانی ڕۆژنامەی تێلێگرافی بەریتانی، ئیسرائیل پلانی هەبووە لە کاتی بەڕێوەچوونی پرسەی ئیبراهیم ڕەئیسی، سەرۆککۆماری پێشووی ئێران، ئیسماعیل هەنیە، سەرۆکی مەکتەبی سیاسیی حەماس بکوژێت، بەڵام لەبەر قەرەباڵغی و بەرزیی ئەگەری سەرنەکەوتنی پلانەکە ئەو کات نایکوژێت و پلانەکەی دەگۆڕێت.

 

زانیاریی زیاتر: سێ بۆمبی چێنراو لە سێ ژووری میوانخانەکەی ئێراندا دەچێنرێن و دواتر لە ڕێگەی کۆنترۆڵەوە دەتەقێنرێنەوە. بە گوێرەی گرتەی کامێراکانی چاودێری، بەکرێگیراوەکان بە هێواشی دەچنە ژوورەکانەوە و بۆمبەکان دادەنێنەوە و دواتر ئێران بەجێدەهێڵن، بەڵام هێشتا لە ناو ئێراندا چەند کەسێکی دیکەیان ماون کە کاریان بۆ بکەن.

 

زانیاریی بەدەستهاتوو: سەرچاوەکان بە تێلێگرافیان گوتووە، بەکرێگیراوەکان ئەندامی 'یەکەی پاراستنی ئەنسار مەهدی' بوون کە یەکەیەکی بەرپرسە لە پاراستنی بەرپرسانی باڵای ئێران.

 

لەلایەکی دیکەوە: ئێران دەیان کەسی بە تۆمەتی تێوەگلان لە کوشتنی هەنیە دەستگیر کردووە.

 

ئەمەش بزانە: بەگوێرەی سەرچاوەکان لە دوای ڕووداوەکە ڕێبەری باڵای ئێران چەند جارێک داوای لە فەرماندە باڵاکانی ئێران کردووە وەڵامی ئەوەی پێبدەنەوە کە ئەوە چۆن ڕوویداوە و بۆ پێشێلی ئەمنی کراوە.