حیزبوڵڵای لوبنان ئیسرائیل بۆردوومان دەکات

ئاڤا نیوز

 

حیزبوڵڵای لوبنان دەیان مووشەک ئاراستەی باکووری ئیسرائیل دەکات. سیستەمی بەرگریی ئاسمانیی ئەو وڵاتە بەرپەرچیان دەداتەوە و هیچ قوربانییەکیان لێناکەوێتەوە.

 

وێنە گەورەکە: دوای زیاتربوونی گرژییەکانی ڕۆژهەڵاتی ناوەڕاست بەهۆی کوژرانی ئیسماعیل هەنیە لە تاران، ئێران و هاوپەیمانەکانی هەڕەشەی تۆڵەسەندنەوە لە ئیسرائیل دەکەن.

 

زانیاریی بەدەستهاتوو: میدیاکانی ئیسرائیل لە زاری سوپای ئەو وڵاتەوە بڵاویان کردووەتەوە، نزیکەی 30 مووشەک سنووریان بڕیوە و زۆربەیان لەلایەن سیستەمی بەرگریی ئاسمانییەوە خراونەتە خوارەوە. هاوکات یەکێکیان لە 'بەیت هیلەل' کەتووەتە خوارەوە و چەند دانەیەکیش لە دەرەوەی ئیسرائیل کەوتوونەتە خوارەوە.

 

لەلایەکی دیکەوە: ڕاستەوخۆ دوای هێرشەکە، ئیسرائیل ناوچەی مەحموودییەی لە باشووری لوبنان بۆردومان کرد کە شوێنی هەڵدانی مووشەکەکان بوو.