دادگەی فیدراڵی سكاڵایه‌ک لەبارەی ده‌ركردنی‌ هێزه‌كانی‌ ئه‌مریكا ڕه‌ت دەکاتەوە

ئاڤا نیوز

 

دادگەی فیدراڵیی عێراق سكاڵایه‌كی بۆ پابه‌ندكردنی حكومه‌تی عێراق به‌ ده‌ركردنی هێزه‌كانی ئه‌مریكا له‌ وڵات ڕه‌ت دەکاتەوە و دەڵێت، سکاڵاكه‌ له‌ تایبه‌تمه‌ندی ئێمه‌ نییه‌.

 

بڕیاری فەرمی: ئه‌مڕۆ دووشه‌ممه‌ پێنجی ئابی 2024 دادگەی فیدراڵیی عێراق ڕایگه‌یاند كه‌ دادگاكه‌یان سكاڵایه‌كی‌ سه‌باره‌ت به‌ ده‌ركردنی هێزه‌كانی ئه‌مریكا له‌ وڵات ڕه‌تكردووه‌ته‌وه‌، هۆكاری‌ ڕه‌تكردنه‌وه‌ی‌ سكاڵاكه‌ی گه‌ڕاندووه‌ته‌وه‌.

 

زانیاریی زیاتر: 26ـی حوزه‌یرانی ئه‌مساڵ، هه‌ردوو په‌رله‌مانتار باسم خه‌شان و مسته‌فا سه‌نه‌د سكاڵایه‌كیان له‌ دژی محه‌ممە‌د شیاع سوودانی، سه‌رۆكوه‌زیران و د. له‌تیف ره‌شید، سه‌رۆككۆماری عێراق تۆمار کرد، ئه‌و دوو په‌رله‌مانتاره‌ داواكاربوون دادگەی فیدراڵی‌، حكومه‌ته‌كه‌ی‌ سوودانی‌ پابه‌ند بكات به‌ ده‌ركردنی‌ هێزه‌كانی‌ ئه‌مریكا له‌ عێراق.

 

ئەوەی پیویستە بیزانیت: لە سکاڵاکە داواكاربوو دادگەی‌ باڵای‌ فیدراڵی‌ مانه‌وه‌ی هێزه‌كانی ئه‌مریكا له‌ عێراق به‌ نایاسایی بزانێت و ئه‌و هێزانه‌ پابه‌ند بكرێن به‌ گێڕانه‌وه‌ی ئه‌و ناوچه‌ و دامه‌زراوانه‌ی له‌ دوای كۆتاییهاتنی ڕێككه‌وتنی له‌گه‌ڵ عێراق به‌كاریان ده‌هێنێت، ئه‌و زیانانه‌ش قه‌ره‌بوو بكاته‌وه‌، كه‌ له‌و ماوه‌یه‌دا له‌ 1ـی كانوونی دووه‌می 2009ـه‌وه‌ به‌هۆی بوونی ئه‌و هێزانه‌وه‌ به‌ عێراق كه‌وتوون.