وەزارەتی سامانە سروشتییەکان: ئەو پاڵاوگانەی داخراون مۆڵەتیان نییە

ئاڤا نیوز

سەرچاوەیەکی باڵا لە وەزارەتی سامانە سرووشتییەکانی هەرێمی کوردستان ڕایگەیاند، مەرجەکانی دانانی پاڵاوگەكان لە ڕووی چۆنیەتی و چەندێتی کارکردنەوە قورسە و بابەتی ژینگەش سەرەکیترین خاڵە کە دەبێت ڕەچاو بکرێت.

وێنە گەورەکە: ڕۆژی 4-8-2024، بڕیاری داخستنی 138 پاڵاوگەی نایاسایی لەسنووری پارێزگای هەولێر درا، ماوەی 10 ڕۆژ بۆ پاڵاوگە یاساییەکان دانرا تاوەکو سەرجەم مەرجە ژینگەییەکان جێبەجێ بکەن، هەر کەم و کوڕییەکی ژینگەیی هەبێت مەرجە چارەسەری بکەن.

زانیاریی بەدەستهاتوو: سەرچاوەیەکی باڵا لە وەزارەتی سامانە سرووشتییەکان، بە ئاڤا نیوزی گوت: "پێمانخۆشە پیشەسازی نەوت و گاز پێشبکەوێت، کابینەی نۆ بۆ ئەو بابەتە درێغی نەکردووە و بە شێوەیەکی باش کارەکان بەڕێوەچووە".

زانیاریی زیاتر: "دانانی پاڵاوگە ژمارەیەک مەرجی قورسی لە ڕووی چۆنیەتی و چەندێتی کارەوە بۆ دانراوە و سەرەکیترینیان بابەتی ژینگەیە، داخستنی 138 پاڵاوگەکەی هەولێرم پێباشە و مۆڵەتیان لە ئێمە وەرنەگرتووە". ئەمەش بەگوتەی سەرچاوەکەی وەزارەتی سامانە سرووشتییەکان.