گرژییەکان چوارچێوەی هەماهەنگی ناچار بە کۆبوونەوە دەکات

ئاڤا نیوز 

سەرکردەکانی چوارچێوەی هەماهەنگی لە بە‌غداد کۆدەبنەوە، گریمانەی زیاتربوونی گرژییەکان لە ناوچەکە و پشتیوانی هەوڵەكانی حكومەت بۆ بەدورگرتنی عێراق لە ململانێكانی ناوچەكە تاوتوێ دەکەن.

وێنە گەورەکە: لەگەڵ کردنە ئامانجی ئیسماعیل هەنییە، سەرۆکی مەکتەبی سیاسی حەماس لە تاران، رۆژی چوارشەممە 31-7-2024 هێرشکرایەسەر  دوو یەکەی لیوای 47ی حەشدی شەعبی لە باشووری شاری بابل، لە ئەنجامیشدا ژمارەیەک کوژراو و برینداری لێکەوتەوە، ئەوەش مەترسی ئەوەی دروستکردووە کە کاردانەوەی هێرشەکان و گرژییەکان لە عێراق زیاتر ببن.

زانیاریی بەدەستهاتوو: سەرچاوەیەک لە چوارچێوەی هەماهەنگی شیعەکان بە ئاڤای نیوزی گوت: ئێوارەی ئەمڕۆ دووشەممە سەرکردەکانی چوارچێوەی هەماهەنگی لە ماڵی هادی عامری، ئەمینداری ڕێکخراوی بەدر کۆدەبنەوە.

زانیاريی زیاتر: بەگوێرەی زانیارییەکان دوایین پێشهاتە ئەمنییەکانی عێراق و ناوچەکە و گریمانەی زیاتربوونی گرژییەکان، هەڵبژاردنی سەرۆکی پەرلەمان و هەڵسەنگاندن بۆ کاروباری حکومەتەکەی سوودانی، لە تەوەرەکانی کۆبوونەوەکە دەبن.