بەهۆی هێرشەكەی سەر عەین ئەسەد چەند سەربازێكی ئەمریكی برینداربوون

ئاڤا نیوز

ئێوارەی ڕۆژی دووشەممە، بە مووشەک هێرشکرایە سەر بنکەی سەربازی ئەمریکا لە عەین ئەسەد و بەهۆیەوە دوو سەرباز برینداربوون.

زانیاریی بەدەستهاتوو:ئاژانسی ڕۆیتەرز لە سەر زاری چەند سەرچاوەیەکی باڵای ئەمریکاوە نوسیویەتی:" لە هێرشەکەی سەر عەین ئەسەد لەئەنبار دوو سەربازی ئەمریکا بریندار بوون".

وێنە گەورەکە: هێرشی سەر بنکە سەربازییەکەی ئەمریکا لە عەین ئەسەد لە کاتێکدایە، ئێران هەڕەشە لە ئیسرائیل دەکات و بەنیازە بەمووشەک هێرش بکاتە سەر ئەو وڵاتە، ئەویش لە تۆڵەی کوشتنی ئیسماعیل هەنییە لە تاران.

 

لێدوانی فەرمی:وەزارەتی بەرگریی ئەمریکا "پنتاگۆن" ڕایگەیاند:کاردەکەین بۆ هەڵسەنگاندنی زیانەکانی هێرشە مووشەکییەکەی سەر بنکەی عەین ئەسەد، بە ڕۆکێت هێرشەکە کراوە و ژمارەیەک سەربازی ئەمریکی برینداربوون و تائێستا زانیاریی لەبارەی تەندروستییان نییە.