پرۆژەی پەرەپێدانی تەکنەلۆجیای ئەمریکی لە سێ زانکۆی کوردستان ڕادەگەیێنرێت

ئاڤا نیوز  

وەزیری خوێندنی باڵا و توێژینەوەی زانستی حكومەتی هەرێمی كوردستان ڕایگەیاند، بۆ پەرەپێدانی تواناکان لە سێ زانکۆی هەرێمی کوردستان، پرۆژەی پەرەپێدانی تەنکۆلۆجیای ئەمریکی کارا دەکرێت.

وێنە گەورەکە: ئەم پرۆژەیە تایبەتە بە دروستکردنی نۆ تاقیگەی پێشکەوتوو لەگەڵ دەستەبەرکردنی تەکنۆلۆجیای ئەمریکی سیسکۆ لە بواری نێتۆرکینگ و سایبەر سکیوریتی بۆ تاقیگەکانی کۆمپیوتەر لە هەر سێ زانکۆی پۆلیتەکنیکی هەولێر و سلێمانی و دهۆک.

لێدوانی فەرمی: ئارام محەممەد قادر، وەزیری خوێندنی باڵا و توێژینەوەی زانستی لە میانی ڕاگەیاندنی پڕۆژەکە گوتی:" لەسەر بودجەی ویلایەتە یەکگرتوەکانی ئەمریکا، پرۆژەی "پەرەپێدانی تەنکۆلۆجیای ئەمریکی" لە سێ زانکۆی هەرێمی کوردستان بە گوژمەی ملیۆنێک و 400 هەزار دۆلار دەکرێتەوە و ئەمڕۆ نۆ تاقیگەی پێشکەوتوو کارادەبن".

بۆچی گرنگە: ئەم پڕۆژەیە ڕۆڵێکی گرنگ دەبینێت لە پێشخستنی زانکۆکانی هەرێمی کوردستان بۆ دەستکەوتنی پسپۆری بازاڕ لە بواری نێودەوڵەتی.