سوودانی سەردانەکەی بۆ ئیمارات هەڵوەشاندەوە

ئاڤا نیوز

محەممەد شیاع سوودانی، سەرۆکوەزیرانی عێراق سەردانەکەی بۆ ئیمارات هەڵوەشاندەوە و بەشداریی لووتکەی جیهانیی حکومەتەکان ناکات.

زانیاری تایبەت: بڕیاربوو ئەمڕۆ سوودانی بۆ بەشداریکردن لە لووتکەی جیهانیی حکومەتەکان سەردانی ئیمارات بکات، بەڵام سەردانەکەی هەڵوەشاندووەتەوە و داوای لێبوردنیشی لە شێخ محەمەد بن زاید ئالنەهیان، سەرۆکی ئیمارات کردووە. هێشتا هۆکاری هەڵوەشاندنەوەی سەردانەکە دیار نییە.

ئەوەی ئێستا ڕوودەدات: ئەمڕۆ دووشەممە یانزەیەمین لووتکەی جیهانیی حکومەتەکان لە شاری دوبەی ئیمارات بە ناونیشانی "نەخشاندنی داهاتووی حکومەتەکان" بە بەشداری سەرۆکوەزیران مەسرور بارزانی دەستپێدەکات و تاوەکو 14 ی مانگ بەردەوام دەبێت.