ئێران: كەس لەسەر دۆسییەی هەنییە دەستگیر نەكراوە

ئاڤا نیوز

دەسەڵاتی دادوەری ئێران ئەو هەواڵانە ڕەتدەكاتەوە، كە باس لەوە دەكات چەندین كەس بە تۆمەتی هەبوونی پەیوەندی لە كوشتنی هەنییەدا دەستگیركراون.

وێنە گەورەكە: لە میدیا ئێرانی و جیهانییەكاندا هەندێك هەواڵ بڵاوبوونەتەوە، باس لەوە دەكەن كە چەندین كەس بەتۆمەتی تێوەگلان و پەیوەندیی بە كوشتنی هەنییەوە دەستگیركراون، دەسەڵاتی دادوەری ئەو وڵاتەش ڕەتی دەكاتەوە.

لێدوانی فەرمی: وەزارەتی دادی ئێران ڕایگەیاند:" تا ئێستا هیچ كەسێك لەسەر دۆسیەكەی هەنییە دەستگیرنەكراوە، هەموو ئەو قسانە بەدرۆ دەخەینەوە كە میدیاكاندا بڵاوكراونەتەوە".

ئەوەی پێویستە بیزانیت: ڕۆژی چوارشەممەی ڕابردوو ئیسماعیل هەنییە سەرۆكی مەكتەبی سیاسی حەماس، لە تارانی پایتەختی ئێران كوژرا.