سوننە داوا دەکات بەربژێرەکانی سەرۆکایەتیی پەرلەمان وەکو خۆیان بمێنێتەوە

ئاڤا نیوز

 

بەشێک لەلایەنە سوننەکان داوا لە هێزە سیاسییەکان و چوارچێوەی هەماهەنگی دەکەن بەربژێرەکانی پۆستی سەرۆکی پەرلەمان وەکو خۆیان بمێننەوە و ڕێز لە بنەما یاساییەکان بگیرێت.

 

وێنە گەورەکە: دوای نۆ مانگ لە بۆشایی پۆستی سەرۆکی پەرلەمان لایەنە سوننەکان ناکۆکن لەسەر بەربژێری پۆستەکە و بەشێک لە سوننەکان داوایەک لەمبارەیەوە ئاراستەی هێزە سیاسییەکان و چوارچێوەی هەماهەنگی دەکەن.

 

ڕاگەیێنراوی فەرمی: هاوپەیمانیی سیادە و عەزم و فراکسیۆنی عەقد و بەشێک لە پەرلەمانتاری سەربەخۆی سوننە لە ڕاگەیێنتراوێکی هاوبەشدا لەبارەی هەڵبژاردنی سەرۆکی پەرلەمان داوا لە چوارچێوەی هەماهەنگی و هێزە سیاسییەکان  دەکەن، ڕێز لە بنەما یاساییەکان بگیرێت و هێشتنەوەی ناوی بەربژێرەکان بەگوێرەی پەیڕەوی ناوخۆ و بڕیاری دادگەی فیدراڵی.

 

لەلایەکی دیکەوە: عەلا حەیدەری، پەرلەمانتاری چوارچێوەی هەماهەنگی ڕایگەیاند، "تاوەکو ئێستا ڕێککەوتن لەسەر بەربژێرێک نەکراوە بۆ پۆستی سەرۆکی پەرلەمان، پێناچێت بەمزووانە پرسەکە یەکلابکرێتەوە".

 

ئەوەی پێویستە بیزانیت: ڕۆژی دووشەممە ئەو لایەنە سوننانە لەگەڵ هاوپەیمانیی چوارچێوەی هەماهەنگی لەبارەی هەڵبژاردنی سەرۆکی پەرلەمان کۆبوونەوە.