ئەمریکا داوایەک لەسەرۆکی نوێی مەکتەبی سیاسی حەماس دەکات

ئاڤا نیوز 

دوای ئەوەی بزووتنەوەی حەماس یەحیا سینواری وەک سەرۆکی مەکتەبی سیاسی حەماس لە شوێنی هەنییە دیاریکرد، ئەمریکا بە پێویستی دەزانێت سینوار بڕیار لەسەر ئاگربەستی غەززە بدات و شەڕ لەو کەرتە بوەستێنێت.

وێنە گەورەکە: دیاریکردنی دیارترین و داواکراوەکانی ئیسرائیل بۆ سەرۆکایەتی کردنی حەماس، ئاگری شەڕەکە گەرمتر دەکات، ئەمە دوای ئەوەی ئیسرائیل ڕاستەوخۆ کاردانەوەی نیشاندا و سینواری بە "تیرۆرست و داوکراو" وەسف کرد.

لێدوانی فەرمی: ئەنتۆنی بلینکن، وەزیری دەرەوەی ئەمریکا ڕایگەیاند: سینوار پێشووتر و ئێستاش بڕیاردەری سەرەکی ئاگربەستی غەززەیە لە فەلەستین و پێویستە ئیدی بڕیار لەسەر ڕاگرتنی شەڕەکە بدات.

باکگراوند: دوێنی شەو، بزووتنەوەی حەماس ڕایگەیاند: یەحیا سینوار یەحیا وەک سەرۆکی مەکتەبی سیاسی حەماس لە شوێنی هەنییە دیاریکرا.

ئەوەی پێویستە بیزانیت: چوارشەممەی هەفتەی ڕابردوو، ئیسماعیل هەنییە سەرۆکی مەکتەبی سیاسی حەماس لە تاران کوژرا.