لە كارگەیەكی شیش لە هەولێر تەقینەوەیەك ڕووی دا

ئاڤا نیوز  

لە كارگەیەكی شیش لە سنووری شاری هەولێر، تەقینەوەیەك ڕووی دا و قوربانیی لێ كەوتەوە.

وێنە گەورەكە: نیوەڕۆی ئەمڕۆ لە كارگەیەكی شیش لە سنووری شاری هەولێر، تەقینەوەیەك ڕووی دا و لە ئەنجامدا كەسێك گیانی لەدەست دا و دوو كەسی دیكەش زامدار بوون.

لێدوانی فەرمی: سەرچاوەیەك لە پۆلیسی بەرگریی شارستانیی هەولێر بە ئاڤا نیوزی گوت: نیوەڕۆی ئەمڕۆ، تەقینەوەیەك لە كارگەیەكی شیش لەسنووری شاری هەولێر ڕووی داوە و لە ئەنجامدا كرێكارێكی هیندی گیانی لەدەست دا و دوو كرێكاری دیكەی هیندیش زامدار بوون.

زانیاریی زیاتر: ئەو سەرچاوەیە ئاماژەی بە ئەوەش دا خاوەنی كارگەكە ڕایگەیاندووە "تەقینەوەكە لەنێو كورەیەكی كارگەكە ڕووی داوە و "دەبڵی ئۆتۆمبێلێك" بووە لەنێو كورەكە و تەقیوەتەوە".