ئەو کۆچبەرە کوردانەی مەترسی لەسەر ژیانیان هەبوو ڕزگارکران

ئاڤا نیوز

ئێوارەی رۆژی چوارشەممە، بەلەمێكی كۆچبەران كە 70 كۆچبەری لەسەر بووە لە كەناراوەكانی یۆنان كون بووە، پاشان پۆلیسی یۆنان بە هانایانەوە چووە و ڕزگاركران.

چیرۆكی سەرەكی: بەلەمێك لە توركیاوە بەرەو یۆنان بەڕێكەوتووە، بەلەمەكە كون بووە، كۆچبەرەكان تووشی مەترسی بوون و پێش ئەوەی بكەونە ناو ئاوەكەوە لەلایەن پۆلیسی یۆنانەوە ڕزگاركراون.

لێدوانی فەرمی: دەشتی جەمال، نوێنەری سكرتێری سەرتاسەری پەنابەرانی عێراقی بەئاڤا نیوزی گوت:"هیچ پەنابەرێك نە خنكاوە وهەواڵە ڕاستەكە ئەوەیە تەنیا بەلەمەكەیان كون بووە".

لە لایەكی دیكەوە: ڕۆژنامەنووس ڕەنج پشدەری، كە لە بواری پەنابەراندا كاردەكات، بەئاڤا نیوزی گوت:"دۆخی پەنابەرەكان باشە و هەموویان ڕزگاركراون و سەرجەمیان خەڵكی ڕۆژهەڵاتی كوردستان بوون".