بانکی ناوەندیی عێراق لەبارەی نرخی دۆلار بڕیاری دا

ئاڤا نیوز

پارێزگاری بانکی ناوەندیی عێراق پێش سەردانەکەی بۆ ئەمریکا ڕایگەیاند، تائێستا هیچ پلانێک نییە بۆ پێداچوونەوە بە نرخی دۆلار.

 
لێدوانی فەرمیی: عەلی عەللاق، پارێزگاری بانكی ناوەندیی عێراق بە ئاژانسی هەواڵی فەرمیی عێراقی ڕاگەیاند: ئێستا هەماهەنگییەکی ته‌واو لە نێوان بانکی ناوەندیی و سەرۆکوەزیران و وەزارەتی دارایی هەیە به‌مه‌به‌ستی سه‌رخستنی پرۆژه‌ی سه‌كۆی ئه‌لیكترۆنی دراو، له‌ كۆبوونه‌وه‌ی داهاتوومان له‌ نیویۆرك ئەمریکا هه‌وڵده‌ده‌ین  چاره‌سه‌ری گرفتی هه‌ندێك له‌ بانكه‌ سزادراوه‌كان بكه‌ین.

 

زانیاریی زیاتر: عەللاق ئاماژه‌ی به‌وه‌ش كرد، هیچ به‌رنامه‌یه‌كی پێشوه‌خته‌ نییه‌ بۆ پێداچوونەوە به‌نرخی فه‌رمی ئاڵوگۆڕی دۆلار, ئەوەشی دەگوترێت و بڵاوده‌بێته‌وه‌ له‌و باره‌یه‌وه‌ دوورە لە ڕاستییەوە.