پۆلیسی هەولێر دزێك لە لوبنانەوە دەگەڕێنێتەوە و دەستگیری دەكات

ئاڤا نیوز 

پۆلیسی هەولێر چیرۆكی دزێك ئاشكرا دەكات، دوای ئەوەی دزی لە خزمێكی خۆی كردووە، چووەتە لوبنان و دواتر بە "تەكنیكی تایبەت" هێنراوەتەوە هەولێر و دەستگیركراوە. 

چیرۆكی سەرەكی: لە یەكێك لە گەڕەكەكانی هەولێر، كەسێك 106 ملیۆن دینار لە ماڵەكەی دەدزرێت و دواتر پۆلیس ئاگادار دەكاتەوە، پۆلیس بۆی دەركەوتووە دزەكە خزمێكی نزیكی سكاڵاكارەكەیە.

ڕاگەیێنراوی فەرمی: پۆلیسی پارێزگای هەولێر ڕایگەیاند: تۆمەتبارەكە خزمی نزیكی دادخوازە و 106 ملیۆن دیناری عێراقیی لێ دزیوە و دواتر ڕایكردووە و چووەتە دەرەوەی هەرێمی كوردستان و عێراق.

زانیاریی زیاتر: تۆمەتبارەكە دوای دزییەكە چووەتە لوبنان " لە ڕێگای تەکنیکی کارکردنی خۆمان، توانیمان تۆمەتبار بگەڕێنینەوە هەرێمی کوردستان و دەستگیری بکەین". پۆلیسی هەولێر وا دەڵێت.

وێنە گەورەکە: پۆلیسی هەرێمی کوردستان و هەولێری پایتەخت سوود لە تەکنیکی جیاواز دەبینن بۆ دەستگیرکردنی تۆمەتباران، پێشکەوتینی تەکنەلۆجیا ئاسانکاری زیاتری بۆ کردوون تا تۆمەتباران دەستگیر بکەن.