مەرسومی کۆماری بۆ دەستبەکاربوونی پارێزگاری دیالە دەردەچێت

ئاڤا نیوز

 

دوای هەفتەیەک لە هەڵبژاردنی لەلایەن ئەنجوومەنی پارێزگای دیالەوە، سەرۆککۆماری عێراق، مەرسومی کۆماری بۆ دەستبەکاربوونی پارێزگاری دیالە دەرکرد.

 

وێنە گەورەکە: هەشت مانگ بەسەر هەڵبژاردنی ئەنجوومەنی پارێزگاکانی عێراق تێدەپەڕێت، لە دیالە ناکۆکییەکان بۆ پێکهێنانی حکومەتی خۆجێی کۆتاییانهات، بەڵام لە کەرکوک کە تاکە پارێزگایە حکومەتی خۆجێی تیایدا پێکنەهێنراوە، تائێستا ئاسۆی رێککەوتن بۆ پێکهێنانی حکومەتی خۆجێی ئەو شارە دیارنییە.

 

ڕاگەیێنراوی فەرمی: سەرۆکایەتی کۆماری عێراق بڵاویکردەوە، ئەمڕۆ پێنجشەممە لەتیف رەشید، سەرۆککۆمار مەرسومی دەستبەکاربوونی بۆ عەدنان جایر، پارێزگاری نوێی دیالە دەرکرد.

 

باکگراوند: 1ی ئەم مانگە ئەنجومەنی پارێزگای دیالە، لە بەغداد کۆبووەوە و عەدنان جایری لە پشکی هاوپەیمانی دەوڵەتی یاسا، وەک پارێزگار هەڵبژارد.