هاووڵاتییان لە دەرمانێکی ساختە ئاگەدار دەکرێنەوە

ئاڤا نیوز

بەڕێوەبەرایەتیی کۆنتڕۆڵکردنی هێنان و دروستکردنی دەرمان و ئامێر و پێداویستیی پزیشکی لە بازاڕی دەرمانی چەند ناوچەیەک، دەستی بەسەر دەرمانێکی ساختەدا گرتووە بەناوی "Duphaston"  و هاووڵاتییانی لێ ئاگاداردەکاتەوە.

وێنە گەورەکە: بەڕێوەبەرایەتیی KMCA بەردەوام هۆشداریی دەداتە هاونیشتمانیان دەرمان لەڕێگەی ئۆنڵاین نەکڕن و لە بەدواداچوونی بەردەوام دایە بۆ نەهێشتنی دەرمانی بێ ستیکەر و دوور لە ڕێنماییەکان.

ڕاگەیێنراوی فەرمی: بەڕێوەبەرایەتیی (KMCA) بڵاویکردەوە: تیمەکانی چاودێریی دەرمان لە بەڕێوەبەرایەتییەکەیان لە میانی سەردانە مەیدانییەکانیان بۆ شوێنە دەرمانسازییەکانی سەرجەم شار و شارۆچکەکانی کوردستان، دەستیان بەسەر دەرمانێکی ساختەدا گرتووە بە ناوی "Duphaston" بە سێ ژمارە باجی (364935, 361984, 368563).

لە لایەکی دیکەوە: بەڕێوەبەرایەتییەکە داوا لە هەموو شوێنە دەرمانسازییەکان دەکات، لە سەرجەم ناوچەکانی هەرێمی کوردستان کە مامەڵەی فەرمی بە کڕین و فرۆشتنی دەرمانەوە بکەن و خۆ بەدوور بگرن لە فرۆشتنی دەرمانی بێ ستیکەر، بەپێچەوانەوە بەتووندی سزادەدرێن.