لە قەرەداغ چەند چەكدارێك ڕووبەڕووی ئاسایش بوونەوە و دوو ئاسایش شەهید بوون

ئاڤا نیوز

ئێوارەی ئەمڕۆ، چەند چەكدارێك كە سەرقاڵی دەرهێنانی شوێنەوار بوون، تەقەیان لە مەفرەزەیەكی ئاسایش كردووە و دوو كارمەندیان شەهید کردووە.

وێنە گەورەكە: دەزگا ئەمنییەكان لە هەرێمی كوردستان چاودێری ناوچە شوێنەوارییەكان دەكەن، بۆ ڕێگری لە دزین و هەڵكۆڵین یان دەستكاری كردنی.

لێدوانی فەرمی: عەقید سەلام عەبدولخالق، گوتەبێژی دەزگای ئاسایشی هەرێمی كوردستان بە ئاڤا نیوزی گوت: هێشتا هیچ كەسێك لەسەر ئەو ڕووداوە دەستگیرنەكراوە، ئەو شوێنە دوورە لە شوێنی نیشتەجێبوون بۆیە كامێرای چاودێری لێ نییە و لێكۆڵینەوە لە ڕووداوەكە بەردەوامە.

زانیاریی زیاتر: گوتەبێژی دەزگای ئاسایشی هەرێم دەڵێت: كاتژمێر 5:00ی ئێوارەی ئەمڕۆ چەند كەسێكی چەكدار سەرقاڵی هەڵكۆڵین و بردنی شوێنەواری نەرامسین بوونە لە قەرەداغ، بەڵام مەفرەزەیەكی ئاسایش بۆ چاودێری پاراستنی شوێنە شوێنەوارییەكان لەو ناوەبوون، تەقەیان لێكراوە و دوو كارمەندی ئاسایش شەهید بوون.

 

 باکگراوند: ">پەیکەری نەرامسین لەسەر بەردێکی قەدپاڵی چیای قۆپی قەرەداغ لە دەربەندی گاورەیە و لێکۆڵینەوەی پەیمانگەی شوێنەواری ئەڵمانی لە ساڵی 1960 دەریخستووە ئەوە پەیکەری پادشای ئەکەدی "نەرامسین"ە، چەند جارێک هەوڵی شێواندن و هەڵکۆڵینی دراوە.