پێكهاته‌كانی کوردستان داوای سیسته‌مى یه‌ك بازنه‌یى لە هەڵبژاردن دەکەن

ئاڤا دیجیتاڵ

 

پێكهاته‌كانی کوردستان دەیانەوێت كار به‌و یاسایە بکرێتەوە کە لە هه‌ڵبژاردنى ڕابردووی پەرلەمانی کوردستان پەیڕەو کرا.

 

لێدوانی فه‌رمی: "دابەشکردنی کورسیی کۆتا لەسەر بنەمای جوگرافی پێچه‌وانه‌ى یاسای ژماره‌ پێنجی ساڵى 2015ـیە، كه‌ مافى پاراستنى مافى پێكهاته‌كانی له‌ هه‌رێمى كوردستان دیاریکردووە و لەسەر ئەو بنەمایە جەخت لە ڕەتکردنەوەی سکاڵاکان ده‌كه‌ینه‌وه‌". ئایدن مه‌عروف، وه‌زیرى هه‌رێم بۆ کاروباری پێکهاتەکان بە ئاڤا نیوزی گوت. 

 

زانیاریی زیاتر: تانە لە پێنج ماددەی یاسای هەڵبژاردنی پەرلەمانی کوردستان دراوە كه‌ تایبه‌تن به‌: ژمارەى کورسییەکانی پەرلەمان، بازنەی هەڵبژاردن و کورسیی کۆتاکان لە پەرلەمانى کوردستان.

 

باكگراوند: دوێنی یەکشەممە، دادگەى باڵاى فیدراڵیى عێراق دانیشتنى تایبەت بە سکاڵاى سەر یاساى هەڵبژاردنى پەرلەمانى کوردستانى بۆ 18ـی شوبات دواخست، ئەمەش بۆ دەیەمین جارە دادگەی فیدراڵی بڕیاردان لەبارەی ئەم کەیسە دوادەخات.