سەرۆکایەتی هەرێمی کوردستان ڕاگەیێنراوێک بڵاو دەکاتەوە

 ئاڤا نیوز

سەرۆكایەتی هەرێمی كوردستان ڕایگەیاند"هەرێمی كوردستان بۆ هەمیشە وەك نموونەی پێكەوەژیانی ئاشتیانە دەمێنێتەوە، هیچ پاساوێك بۆ نانەوەی ئاڵۆزی و پشێوی قبووڵ ناكرێت".

 

وێنە گەورەکە: ڕۆژی سێی ئەم مانگە و لە مەڕاسیمی یادکردنەوەی جینۆسایدی کوردانی ئێزدی، قاسم شەشۆ فەرماندەی پێشمەرگە لە شنگال چەند قسەیەکی لەبارەی پێغەمبەری ئیسلام کردبوو، ئەمەش ناڕەزایەتی لێكەوتەوە.

 

ڕاگەیێنراوی فەرمی: سەرۆکایەتی هەرێمی کوردستان ڕایگەیاند: هەموو لایەک دڵنیا دەکەینەوە هیچ جۆرە پێشێلكاری و بێڕێزییه‌ك به‌رامبه‌ر به‌ هه‌ر بیر و بڕوا و ئایینێك قبووڵكرا و نییە و سەركۆنەی دەكەین، پێكهاتە ئایینی و نەتەوەیییەكانی كوردستانیش پارێزراو دەبن.

 

زانیاریی زیاتر: هه‌ڵه‌ی كه‌سێك نابێ به‌ هه‌ڵه‌ی هه‌موو په‌یره‌وانی ئایینه‌كه و ده‌بێت هەموو لایەك پابەندی كولتووری پێكەوەژیان بن، لایەنە پەیوەندیدارەكانیش بەرپرسن لە بەدواداچوون و لێپرسینەوەی یاسایی لەو کەسە.

 

لە لایەکی دیکەوە: ئەنجومەنی باڵای فەتوا لە کوردستان ڕایگەیاند:" دەبێت هەمووان دانبەخۆدا بگرین و چاوەڕێی دادگە بین".