سەرۆک بارزانی: هەر گەلێک ئیرادەی هەبێت دواجار سەردەکەوێت و پێش دەکەوێت

ئاڤا نیوز

سەرۆک بارزانی، لەمیانی پێشوازی لە کونسوڵی گشتی کۆریای باشوور لە هەولێر، ڕایگەیاند:  مەترسی هەڕەشەکانی تیرۆر لەسەر سەقامگیریی ناوچەکە بەردەوامن.

چیرۆکی سەرەکی: ئەمڕۆ یەکشەممە لە پیرمام، سەرۆك مەسعود بارزانی پێشوازی لە لی جونیل، باڵیۆزی کۆریای باشوور لە عێراق و سنچۆل لیم، کونسوڵی گشتی کۆریای باشوور لە هەولێر کرد.

ڕاگەیێنراوی فەرمی: بارەگای بارزانی بڵاوی کردەوە، لە دیدارەکەدا باڵیۆزی کۆریای باشوور پیرۆزبایی لە سەرۆک بارزانی کرد بۆ ئەو سەرکەوتنە گەورەیەی پارتی لە هەڵبژاردنی ئەنجوومەنی نوێنەرانی عێراق بەدەستی هیناوە و هەروەها ستایشی ئەو پێشکەوتن و گۆڕانکارییانەی کرد کە لە ساڵانی ڕابردوو لە سایەی سەقامگیری و پلانی ڕێکوپێک لە هەرێمی کوردستان هاتووتە ئاراوە.

زانیاریی زیاتر: هەر بەپێی بڵاوکراوەکە باڵیۆزی کۆریای باشوور لە عێراق باسی لە پەیوەندییەکانی وڵاتەکەی لەبواری وەبەرهێنان و تەکنەلۆژیا لەگەڵ هەرێمی کوردستان کردووە، هیواشی خواستووە ئەو پەیوەندییانە فراوانتر ببن. سەرۆک بارزانی گوتوویەتی، گەلی کوردستان ڕوانگەیەکی زۆر ئیجابی بەرانبەر وڵاتی کۆریای باشوور و گەلەکەی هەیە.

هەر لە دیدارەکەدا باس لە پڕۆسەی سیاسیی عێراق و هەنگاوەکانی دوای هەڵبژاردنی ئەنجوومەنی نوێنەرانی عێراق و مەترسی و هەڕەشەکانی تیرۆر لەسەر سەقامگیریی ناوچەکە کراوە. سەرۆک بارزانی، ئەوەی دووپاتکردەوە کە هەر گەلێک ئیرادەی هەبێت دواجار سەردەکەوێت و پێش دەکەوێت.