مەسرور بارزانی: هەلومەرجێکی نوێ بۆ پێکهێنانی حکومەتی کوردستان هاتووەتە ئاراوە

ئاڤا نیوز

سەرۆکوەزیران مەسرور بارزانی لەگەڵ باڵیۆزی بەریتانیا لە عێراق تاوتوێی دۆخی گشتیی عێراق لە دوای هەڵبژاردنەکانی ئەنجوومەنی نوێنەران کرد و دەڵێت، هەلومەرجێکی نوێ بۆ پێکهێنانی حکومەتی هەرێمی کوردستان هاتووەتە ئاراوە.

چیرۆکی سەرەکی: ئەمڕۆ یەکشەممە، مەسرور بارزانی سەرۆکی حکومەتی هەرێمی کوردستان، پێشوازی لە عیرفان سدیق، باڵیۆزی بەریتانیا لە عێراق کرد.

ڕاگەیێنراوی فەرمی: ماڵپەڕی حکومەتی هەرێمی کوردستان ڕایگەیاند، لە کۆبوونەوەکەدا دۆخی گشتی عێراق دوای هەڵبژاردنەکانی ئەنجوومەنی نوێنەران تاوتوێ کرا.

هاوکات، باڵیۆزی بەریتانیا پیرۆزبایی سەرکەوتنی هەڵبژاردنەکان و ئەنجامەکانی لە سەرۆکی حکومەت کرد و هیوای خواست ئەنجامی هەڵبژاردن ببێتە هۆی ئارامی و سەقامگیریی عێراق و باشتربوونی دۆخی خزمەتگوزارییە گشتییەکان.

لەلایەن خۆیەوە، سەرۆکی حکومەت دووپاتی کردەوە کە ئەوەی بە لای هەرێمی کوردستانەوە گرنگە، کارنامە و بەرنامەی حکومەتی نوێی عێراق و پابەندبوونیەتی بە دەستوور و ڕێککەوتنەکان و چارەسەرکردنی بنەڕەتی کێشەکانی نێوان هەرێمی کوردستان و حکومەتی فیدراڵ.

زانیاریی زیاتر: لە بەشێکی دیکەی کۆبوونەوەکەدا، هەردوولا هاوڕابوون لەسەر گرنگیی پەلەکردن لە پێکهێنانی کابینەی نوێی حکومەتی هەرێمی کوردستان.

لەمبارەیەوە سەرۆکی حکومەت جەختی کردەوە کە لە دوای هەڵبژاردنی ئەنجوومەنی نوێنەرانی عێراق، هەلومەرجێکی نوێ بۆ پێکهێنانی حکومەتی هەرێمی کوردستان هاتووەتە ئاراوە.