دیوانە نوێیەكەی شەفیعی لە ئێران مۆڵەتی چاپكردن وەردەگرێت

ئاڤا نیوز

(نامەیەک بۆ ئاسمان) ناونیشانی نوێترین کۆمەڵە هۆنراوەی کەدکەدەنییە؛ ماوەیەکی زۆرە لێپرسراوانی کۆماری ئیسلامیی ئێران مۆڵەتی چاپ و بڵاوکردنەوەیان ڕاگرتووە.

بۆچی گرنگە: چاپکردنی کتێبە نوێیەکەی شەفیعی کەدکەدەنی کە زۆر تەبا نییە لەگەڵ ئایدۆلۆژیای فەرمیی ئێراندا، هەواڵێکی تایبەت و سەرنجڕاکێشە لەسەر ئاستی ناوخۆیی و دەرەوەی ئەو وڵاتەدا.

چیرۆکی سەرەکی: پاش چاوەڕوانییەکی زۆر دواجار وەزارەتی فەرهەنگی کۆماری ئیسلامیی ئێران مۆڵەتی چاپ و بڵاوکردنەوەی نوێترین کۆمەڵەشیعری شاعیری ناوداری ئێرانی شەفیعی کەدکەدەنی پەسەندکرد.

ئەوەی پێویستە بیزانیت: چاپ و بڵاوکردنەوەی کتێب لە ئێران، بەتایبەتی لەبواری هزر و ئەدەبدا کە باس لە ئازادی و سەربەستی بکات کارێکی ئاسان نییە و بە چەندین قۆناخی پشکنین تێدەپەڕێت. 

زانیاریی زیاتر: شەفیعی کەدکەدەنی، شاعیر، توێژەر و مامۆستای زمان و ئەدەبی فارسییە و ناوێکی دیاری بواری ئەدەب و رۆشنبیریی ئەمڕۆی ئێرانە، تاوەکو ئێستا چەندین کۆمەڵەشیعر و کتێبی بڵاوکردووەتەوە و هەندێک لە شیعرەکانیشی وەرگێڕدراونەتە سەر زمانی کوردی.