موقتەدا سەدر داوا دەکات لە کاتی سەڵاوات ناوی نەهێنن

ئاڤا نیوز 

 

ڕێبەری ڕەوتی نیشتمانیی شیعە داوا لە لایەنگرانی دەکات لە کاتی سەڵاوات ناوی نەهێنن.

 

وێنە گەورەکە: زیارەتکارانی شیعە لە نێوخۆی عێراق وڵاتانی دراوسێ بە تایبەت ئێران لە ڕێوڕەسمی چلەی ئیمام حوسێندا روو لە مەزاری ئیمام حوسێن لە کەربەلا دەکەن، و لەکاتی زیارەتەکە و سەڵاواتدان بەشێک لە لایەنگرانی حیزبە شیعەکان ناوی سەرکردەکان دەهێنن.

 

لێدوانی فەرمی: موقتەدا سەدر دەڵێت، لە پێناو پاراستنی قودسییەتی مەزارە پیرۆزەکان پێویستە ناوی نەهێندرێت، بەڵکو دەبێت زیارەتکاران پابەندی ڕێکاری ئەو مەزارانە بن.

 

باکگراوند: چلەی ئیمامی حوسێن ئەمساڵ لە ڕۆژی 25ی ئاب بەڕێوەدەچێت و چاوەڕوان دەکرێت بە ملیۆنان زیارەتکاری شیعە لە نێوخۆ و دەرەوەی عێراق سەردانی نەجەف و کەربەلا بکەن.