عێراق دەستگیرکردنی سەرکردەیەکی "مەترسیدار"ـی داعشی ڕاگەیاند

ئاڤا نیوز

 

شانەی ڕاگەیاندنی ئەمنیی عێراق دەستگیرکردنی سەرکردەیەکی "مەترسیدار"ـی داعشی لە پارێزگای ئەنبار ڕاگەیاند. هاوکات ئاژانسی هەواڵگریی عێراق دەستگیرکردنی 10 ئەندامی داعشی لە پارێزگای کەرکووک ڕاگەیاند.

 

ڕاگەیێنراوی فەرمی: شانەکە لە ڕاگەیێنراوێکدا ڕایگەیاند: هێزەکانی سەر بە بەڕێوەبەرایەتیی هەواڵگریی سەربازیی لە ئۆپەراسیۆنێکدا توانیان تیرۆریستێکی مەترسیدار بەناوی ئەبوو سەفییە عێراقی، جێگری یەکەمی والی ویلایەتی فورات لە قەزای ڕومانەی سەر بە پارێزگای ئەنبار دەستگیر بکەن.

 

زانیاریی زیاتر: بەگوێرەی شانەی ئەمنی، ئەو کەسە بە پێی حکومەکانی ماددە چواری تیرۆر لەلایەن دادگاکانی عێراق داواکراو بووە و ئەو کەسە بەشداری لە چەندین کاری "تیرۆریستی" دژی هێزە ئەمنییەکانی عێراق و سووریا لە ڕابردوودا کردووە.

 

لەلایەکی دیکە: ئاژانسی هەواڵگری و لێکۆڵینەوەی فیدراڵی دەستگیرکردنی 10 ئەندامی داعشی لە پارێزگای کەرکووک ڕاگەیاند و ئاماژە بۆ ئەوە دەکات لە دانپێدانانەکانیان گوتوویانە سەر بە "فیرقەی قادسیە و فیرقەی نەهاوەند" بوونە و دانیشیان بەوە داناوە کە بەشداری چەندین هێرشی "تیرۆریستیان" دژی هێزە ئەمنییەکان ئەنجامداوە.